|
Главная » 2018 » Октябрь » 24
Морко рӱдӧ книгагудын, краеведений секторыштыжо комсомолын 100 ияш лӱмгечыжлан пӧлеклалтше «Не расстанусь с комсомолом, буду вечно молодым…» лӱман книга да газет выставкым ямдылыме. Тыште икымше разделыште комсомолын историйжым, кокымшо - комсомол нерген марла почеламут да газет статья-влак дене палыме лийын кертыда.
Шоналтет да ӱшанымылат ок чуч: комсомолым ыштымылан 100 ий темеш. Саман вашталтын гынат, ВЛКСМ-ын лӱмжым тачат пагалат, тудым шарнат. Тиде толкын дене самырык жапыштым кылдыше-влакын илышыштым, шижмашышытым историй да уш гыч ӱштын от шу…
Просмотров: 862 |
Добавил: Дмитрий |
Дата: 24.10.2018
|
|
Ош тӱняшке ме кайыкиге семынак толына, сурт печеш кушкына, вийым погена. Жап шумеке, кайыкиге семынак шаланен пытена. Но нигунамат огеш мондалт шочмо-кушмо мӧҥгына, шӱм-чонна садыгак шупшеш шочмо вер-шӧрыш.
«Кажне еҥ шке вожшым палышаш, тунам гына южшат тамлырак, мландыжат шергырак, илашат куштылгырак лиеш. Мый Морко мландем пеш йӧратем», - манын возен Ираида Букетова-Алвий, Морко рӱдӧ книгагудылан пӧлеклыме «Помни своих» книгаштыже.
Шыжа тылзын 23 кечыштыже, кас велеш Ираида Аркадьевна Морко рӱдӧ книгагудо пелен краеведений секторыште шке лукмо книга презентацийым эртарыш. Книган комжым ончалаш гын, моткоч сылне пӱртӱсым почын ончыктымо, тыгак кугу патыр тумо родо-тукым корнывожым шуя, авторын эргыж ден ӱдыржын фотошт книган тӱжвал тӱсшым сӧрастарат. Тиде книгашке, Ӧтӧгӧн тукымын 15-ше курымжо гыч тӱҥалын, 12 тукым-вож кылым пуртымо, родо-тукым схемышт, фотографий ончыкталтын. Букетова-Алвийын каласкалымыж почеш тиде книга ныл ий погалтын, да Юрий Иванович Галютин Ялзак-Кумылзак, родо-тукыжо полшымышт дене савыкталт лектын.
Просмотров: 1033 |
Добавил: Дмитрий |
Дата: 24.10.2018
|
|
|
|
|
|