27 майыште Российысе библиотекын кечыже вашеш рӱдӧ библиотекын краеведений секторыштыже «Библиотека темла» лӱман книга ора гычын выставке эртен. Кажне тӱҥалтыш букваже авторын фамилийже гычын шога. Мутлан; «Б» буквалан В. Бердинскийын, Т. Батырбаевын, «И» буквалан М. Илиаеван, «Л»-лан И. Ломберскийын, В. Любимовын да тулеч моло автор-влакын произведенийыштым налын лудаш темлен улына. Книга – воштончыш, чӱчкыдынрак тудым ончал манын ойлена. Книга выставкынам ончен лудшо-влакым книгам лудаш таратен шогена.