Чон моторлык, осал ден порым ойырен мошташлан икшыве-влакым изинекак туныкташ тыршыман.
Тидлан книга ден газет да журнал-влак кугу полышым пуэн сенат. Изирак ийготан йоча-влаклан мемнан Энерсола библиотекыште «Ямде лий» газет, «Кече - Солнышко» да «Веселый колобок» журнал-влакым налына. «Ямде лий» газетышт ятыр пайдале кÿлешан увер дене палдара. Тунемше-влак дене пырля кугезе йÿла, марий тÿвыра, сылне пÿртÿс, янлык, шочмо йылмым аралышаш нерген шуко уым пален налына. Библиотекыште газет дене журналым пырля лудына, туштым туштена, вашмутым кычалына, кроссвордым тогдаена.